State tinte Labour Code rules duang turin beisei

Sorkar laipui chuan state tinte chu March 31, 2025 hmaa an state puala hman tur labour code rules duang hman vek turin a beisei.

Union labour minister Manush Mandaviya kaihhruainain official-te leh Union Labour Ministry leh State Labour Ministry chuan April 1 hmaa Labour Code hmanna tur dan leh hrai inkaihhruaina duan leh a awmsa an ennawn. Labour code hi hnathawktu, a chhawrtu, trade union leh sorkar ten thawh hona ṭha an neih theihna tur atana ruahman a ni.

Minister kaihhruaina hian ni hnih chhung meeting neih a ni a, meeting-ah hian state 18 leh Union Territory-te chuan dan leh hrai te hi an siam ṭha tawh tih an tarlang. A dang state 32 leh Union Territory-te chuan an dan leh hrai duan chhinte chu an enchhin mek bawk. State 36 leh UT zawng zawngte hi he dan, state chhunga hman tura duan lawkte chu Labour Code nena in mil hian March 31 hmaa peihfel vek beisei an nih thu an tarlang.

Meeting neih rual hian minister hian state leh UT-te hman tur microsites a tlangzarh nghal. He site hi e-Shram tih hmasawnna tur niin, Occupation Shortage Index(OSI) hnuai a duan a ni. "e-Shram microsite hi state tinte digital platform niin national e-Shram data base nen a ṭangkawp a ni. State portal leh e-Shram portal thawkdun hi hnathawktu hriat chian lohte awlsam taka ziahluh theihna tur a ni," tiin sorkar chuan a tarlang bawk.

OSI hi labour market aṭanga mamawh leh pekchhuah theih mil tura duan a ni anga, hei hian rampuma hnathawh tur tam zawk a ruahman thei dawn a ni. Hnathawh tur awm chu mamawhtu thiam dan mil a zir zelin data-a pek chhuah theih dawn bakah, industry-in a mamawh anga hnathawh tur zawngtute thiamna milin awlsam takin a siamrem thei dawn nia tarlan a ni.