Hazare-a'n NGO te chunga thiltih a sawisel

Eirukna dotu, Anna Hazare chuan Maharashtra sorkarin NGO te hnena 'eiruk dona' 'eiruk tihbona' tih thu an pawl hminga hmang tel lo tura a ti chu a dodal thu a sawi.

Joint Charity Commissioner, Pune chuan state chhunga NGO 15-te hnenah hriattirna pein, an pawl hming atana 'eiruk dona' tih lam an hman ṭhin chu hmang tawh lo turin a hriattir. Pawl ṭhenkhat chuan an pawl hmingte chu sorkar hnathawk liante hnen aṭanga sum laksakna remchangah an hmang niin a sawi.

Hazare-a pawl, Bhrash­tachar Virodhi Jan Andolan Nyas (BVJAN) chu hriattirna dawng zingah hian a tel. Hazare chuan, "Pawl hming thlak hi a chinfelna tur a ni lo. Hei hi eiruka tihrem tuma beitu, NGO-te chunga dik lo taka chetna a ni zawk," a ti.