Airport thar siam rawtna an pawm

Civil Aviation Mi­nistry chuan National Capital Region (NCR) a airport thar siam rawtna chu a pawm.

Minister of State for Civil Avia­tion Ma­hesh Sharma chuan Delhi-a airport thar siam tur hi Indira Gan­dhi International Air­port Ltd siamtu, GMR Group chuan a duh chuan a thawk ang a, a duh lo a nih chuan midang thlan a ni chauh ang tiin a sawi.

Mahse rawtna hi ministry-in pawmpui mah se, union cabinet -in a pawm ve leh phawt a ngai ang.

Delhi-ah hian In­dira Gandhi Inter­na­tional Airport a awm a, he airport hi a lun hle a, nikum chhung khan khualzin lut leh chhuak maktaduai 40 vel an awm a ni. Air­port thar hi sorkar ram neihna, Jewar, Greater Noida-ah siam rin a ni. Mahse dan hman mekah chuan airport thar siam tur chu airport awmsa aṭanga kilometre 150 chhunga siam theih loh tih a ni a, Greater Noida hi Delhi Airport aṭanga kilometre 50 vela hla a ni. Hei vang hian airport thar siamna atan hian sorkarin dan awmsa ṭhen­khat chu a siam dang­lam a ngai dawn a ni.