Covid-19 vangin Doctor 382 thi tawh

Indian Medical Association (IMA) chuan ram pumah Covid-19 vangin doctor 383 in nunna an chan tawh tih a sawi. 

IMA chuan union minister of state for health Ashwini Kumar Choubey-a'n sorkar laipuiin hripui vanga thi health worker awm zat chungchangah data a nei lo nia a sawi chu chhang letin, "India ram anga hripui laka doctor leh health worker chan hnem hi an awm lo ang. Sorkarin hemi chungchang hi an hre lo a, hripui leng dona kawnga an nunna hlantu zatte a hre lo a nih chuan, Epidemic Act 1897 leh Disaster Management Act keng kawhtu nihna a hlen zo lo a ni," a ti. 

Sorkar laipui chu verther tak, pawn lama lan ṭhat tum nia puhin, IMA chuan health worker-te chu hri leng dona kawnga pasalṭhate tia ko reng chung siin, hri vanga dcotor leh health worker thi ta chhungte chu ngaihven zui lohah a puh a ni. 

Association hian hri vanga thi doctor-te hming list pawh tichhuak­in, sorkar laipui an chhungte chhawm­dawlna tur ngaihtuah sak turin a phut.