Indian Diplomat-te lakah Complain 40 zat thehluh a ni

Kum thum chhungin ram hrang hranga Indian embassy sawiselna thehluh 40 a awm a, heng zinga 27 chu nikum chhunga thehluh a ni.

External Affairs ministry chuan complain thehluh zawng zawngte hi India palaite puhna bik chauh a ni lo tih a sawi. Ṭhenkhat chu an awmna rama tualchhung mi an chhawrte an sawiselna te a ni.

Kum 2012-2014 inkara complain thehluh zingah hian UK mission laka thehluh a tam ber a, pariat a awm. Kenya-a Indian embassy laka complain thehluh pasarih a awm bawk.

Kar hmasa khan New Zea­land-a Indian High Com­mis­son-a Service Staff member chuan complain thehlutin, New Zea­land-a India palai Ravi Thapar-a nupui, Sharmila Thapar chuan sal ang mai a chhawr bakah, kut a thlak fo ṭhin niin a sawi.

Complain thehluttu hi an ei siamtu nia hriat a ni. A sawi danin, an tihduhdah em avangin a awmna, Wellington-a India palai chenna in aṭang hian tlanchhuakin ke-in thui tak a kal a, amah hmututen police station-ah an hruai a, Welling Nigh Shelter-ah hun eng emaw chen awmtir a ni. He thil thleng vang hian Ravi Thapar hi Delhi-ah koh haw nghal a ni.