Tamil Nadu CM-in Chennai Metro a hawng

Tamil Nadu Chief Minister J Jayalalithaa-i chuan nimin khan video conferencing hmangin Chennai Metro thawh khatna a hawng. Chennai hian metro raily system nei tawh khawpui- Delhi, Kolkata, Bengaluru, Mumbai leh Jaipur-te a zawm ve thei ta ni.

Chief Minister chuan a Secretariat aṭangin video-conference hmangin Alandur leh Koyambedu inkara tlan tur, Chennai Metro Rail Limited passenger service hi a hawng a ni. Alandur leh Koyambedu inkar hi kilometre 10-a thui niin, minute 18 chhung a tlan dawn a, kawng lakah station pasarih a tlan tlang ang. Metro hian pindan pali neiin, passenger 1276 a phur thei dawn a ni.

Chennai Metro project atan hian cheng vaibelchhe 14,600 ruahman a ni. He project hi Tamil Nadu-a DMK sorkar laia duan a ni a, central-a sorkar hmasa, Congress kaihhruai UPA sorkar khan kum 2009 ah alo pawmpui tawh a ni. Hemi kum vek hian hna thawh ṭan nghal a ni bawk.