Hindu sakhuaah harsatna chinfelna a awm: BJP hotu

Bharatiya Janata Party (BJP) President Amit Shah chuan chuan khawvel-a harsatna awm zawng zawngte chinfelna chu Hindu sakhuaah a awm a ni, a ti.

Pathiannia President hlui, APJ Abdul Kalam-a lehkhabu, 'Transcendence: My Spiritual Experiences with Pramukh Swamiji' a tlangzarhnaah, BJP hotu chuan he thu hi a sawi.

Amit Shah chuan, "Kum hnih chhung harsatna hrang hrang ka tawh lai khan, India rama sakhaw hmun pawimawh hrang hrangte pawh ka tlawhkual nasa hle. Khang hun lai khan Gujarat-a Somnath temple tih loh, sakhaw hmun dangah malsawmna zawngin ka kal vek a ni," tiin, heng hun lai hian a duh angin hna pawh a thawk thei lo a, Pathianin a malsawmna zawng turin a lo duh nia a rin thu a sawi.

Karnataka Governor Vajubhai Vala pawhin thu sawiin, sakhua chu state aiin a pawimawh zawk a ni, a ti.