J&K ah hel beihna vangin sipai chawl tawh a thi

Jammu and Kashmir-a Kulgam district-ah nimin, Thawhṭanni khan helpawl beihna vangin sipai chawl tawh pakhat a thi a, a nupui leh fanuin hliam an tuar bawk.

Police-te chuan Behibagh area-ah helho hian ral aṭangin army retired, Manzoor Ahmad Wagay, a nupui leh fa hi an kap niin an sawi. An pathum hian kap hliamin damdawi-in panpui an ni a, Manzoor Ahamd Wagay hi a dulah kah fuh niin damdawi-inah hian a hliam tuar loin a thi a ni.

Helpawl pawikhawihna thlenna hmun hi police, army leh CRPF ten panin pawikhawihtute zawn hna hi an thawk nghal a, nimin tlai thleng khan an la zawng. Security official-te pawhin inkahna thlenna hmun hi an tlawh tawh bawk.