PM-i'n tuilian tuarte ṭanpui tiam

Prime Minister Narendra Modi chuan tuilian tuar mek state panga-te chu, harsatna tawkte chhanchhuah leh chhawm≠dawl hna thaw kawngah sorkar laipui chuan theihtawpin a puih zel tur thu a sawi.

PM Modi chuan Home Minister Rajnath Singh chuan thil awmdan te chu ngun takin a thlithlai reng tih a sawi a, tuilian tuar mek - Uttar Pradesh, Bihar, Utta≠ra≠khand, Rajasthan leh Madhya Pradesh chief mi≠nister-te pawh a be tawh tih a sawi bawk.

Modi chuan tuilian turte chhanchhuah leh chhawmdawlna kawngah sorkar laipui chuan theihtawpin a pui zel dawn a, thil awmdan pawh a ṭhat chhoh leh thuai a beisei thu a sawi. Tuilian tuarte tan a ṭawngṭaisak thu a sawi bawk.

Uttar Pradesh, Bihar leh Madhya Pradesh-ah chuan tuilian hian ziaawm lam a la pan thei lo a, lui tam zawk chuan hlauh≠awm chhinchhiahna an la pel vek a ni. Madhya Pradesh-ah hian darkar 24 chhungin ruahsur nasa vanga chhiatna thlengah mi 20 an thi a ni. Chief Minister Shivraj Singh Chouhan chuan Satna biala tuilian tuarte awmna camp siam a tlawh a, tui≠lian tuar mekte ṭanpui tura theihtawp chhuah turin state mipuite a ngen.

Bihar sorkar pawhin Ganga lui chuan len lam a pan zel avangin hmun hniam lama chengte chu hmun lim lama insaseng turin a hrilh. Central Water Commission chuan Ganla lui tui hian hlauh≠awmna chhinchhiahna chin chu meter hnih zetin a pel tawh niin a sawi.

Uttar Pradesh-ah pawh tuilian hian thing≠tlang khaw 100 chuang zet a chim tawh a, mi 7,000 vel chu relief camp hrang hrangah an awm mek a ni.