Modi-a'n zin turin Nepal PM a sawm

Prime Minister Narendra Modi chuan Nepal Prime Minister Pushpa Kamal Dahal 'Prachanda' chu a remchang hmasa berah India rama zin turin a sawm.

PM Modi hian India ram tlawha rawn zin, Nepal Deputy Prime Mi≠nister leh Minister of Home Affairs, Bimalendra Nidhi hnenah thu hi a lo chah a, ram pahnihten inṭhianṭhatna leh inzawmna nghet zawk siam a duh thu pawh a sawi nghal bawk.

New Delhi-a Nidhi nena meeting an neihnaah, Modi chuan Prachanda kaihhruai Nepal sorkar thar chu duhsakna hlanin, zin tur hian a sawm a ni. Nidhi hian sorkar thar a din hnua an ramin hma a sawn dan hrang hrangte a hrilh ve bawk a ni.

Modi chuan India leh Nepal inlai≠chinna chu sorkar chinah chauh ni loin, a ram mipuite inkarah pawh inzawmna nghet tak a awm a ni, a ti.Nepal sorkar leh a ram mipuite chu India chuan a thlawp tlat a ni tih a sawi bawk.