
Libya-a India mi hnathawk 16 tangte lo haw
Libya rama India mi, hnathawka awm mi 16 te chu thla 10 chuang zet an hnathawhna hmuna hren an nih hnuah nimin February 4, Thawhlehni khan India-ah him takin an rawn kir.
Heng mi 16 te hi Libya cement company, Benghazi plan-ah thawkin nikum September aṭang khan 'lungin tang' ang maia chhawr an nihna chu lungawi lohna lan tirin hrehawm taka chhawr zui an ni. Lungawi lohna an lan tir hnu hian an hnathawh chhung pawhsei sakin, an hlawh pek mumal an nih loh bakah anmahni chhawrtu chuan hnathawh hun chhung tura an tih te pawh pawtseiin hrehawm takin a chhawr lui zui ta niin an tarlang.
Hnathawktute hi Uttar Pradesh leh Bihar hmun hrang hrang aṭanga kal an ni a, India aṭanga Dubai an pan hnuah Libya mi, Dubai-a awm contractor Abu Bakkar tih hming pu hnuaiah hian hna thawk tur hian an in pe ta a ni.
Libya Cement Company-ah hian South Asia huam chhung ram hrang hranga mi te chu hnathawkin an awm mek. Benghazi plant-a thawk zinga ṭhenkhat chuan India mi awm ve dangte chu lungawi lohna an lantir hnu hian puiin ei leh in mamawh dangte an ngaihven sak a ni.