Amit Shah hoin 'enemy property' tihral dan an enpui dawn

Union home minister Amit Shah kaihhruai, Group of Ministers (GoM) chuan enemy property 9,400 chuang tihral dan a enpui dawn. Heng property an tihralna aṭang hian sorkar chuan cheng vaibelchhe nuai khat vela hmuh theih beisei a ni. 

Official order chuan, Enemy Property Act hnuaia Custodian of Enemy Property for India kuta awm, immovable enemy property tihral dan buaipu tur hian high-level committee pahnih din a ni dawn tih a sawi. Committee pakhat chu cabinet secretary Rajiv Gauba'n a ho ang a, pakhat dang chu union home secretary Ajya Bhalla'n a ho ve thung ang. 

Enemy property tia puante hi Pakistan leh China rama pem, an ram khua leh tui nihna nei zuita te thil kalsante an ni. Pakistan rama pem taten property an kalsan hi 9,280 zet niin, China rama pemten an kalsan hi 126 a awm bawk. Property an kalsan zingah hian  5,991 chu Uttar Pradesh-ah awmin, West Bengal-ah 2,735 a awm a, Delhi-ah 487 a awm bawk.