Rs nuai thum chin thawn thawn khapna ngaihtuah dawn

Supreme Court-in a ruat, Special Investigation Team (SIT) in sum chheprelh ṭhin venna kawng khat atana vawi khatah pawisa faia cheng nuai thum chin aia tam thawn kual khap a rawtna chu sorkar laipui chuan a ngaihtuah dawn niin Central Board of Direct Taxes (CBDT) Chairperson Rani Singh Nair chuan a sawi.

SIT rawt anga pawisa faia cheng nuai thum aia tam thawn khap a nih chuan, pawisa inthawn kual nan hian credit, debit card, cheque leh draft-te hman uar a nih beisei a ni a, hengte hi a thawntu awlsam taka chhuizui theih a ni dawn a ni.

SIT rawtna siam dang a siam bawk a, mimal emaw industry emaw in sum faia an kawl theih zat chu cheng nuai 15-a china bithliah ni se a ti a, hei aia tam an kawl dawn chuan an awmna biala Income Tax Commissioner hnen aṭanga special permission lak ṭhin nise a ti.