PM-in Digital India Program a hawng

Prime Minister Narendra Modi chuan nimin khan New Delhi-a Indira Gandhi Indoor Stadium-ah Digital India Program a hawng. Hawnna inkhawmah hian sumdawng lian tak takte an tel.

NDA sorkar scheme, cheng vaibelchhe nuai khat man Digital India Project hi technology hmanga ramchhung hmun hrang hrangte inthlunzawm theihna tura rua­hman a ni a, hei bakah hian e-governance tih­chang­tlun leh, India economy tihhmasawn te a tum bawk. India ram electronic service-a hma­sawnna te, electronic hmanrua siam chhuah kawngah hmasawnna thlen leh ṭhalaite tana hna thawh tur remchang tam zawk thlen tir tum a ni.

Mission Digital India hawnnaah hian mi 10,000 vel zet an tel a, an zingah hian RIL chairman Mukesh Ambani, Tata Group CEO Cyrus Mistry, Wipro chief Azim Premji te bakah sumdawng aiawh hrang hrangte an tel.

He program hmang hian sorkar chuan thingtlang khaw nuai 2.5 ah broadband connection pekchhuah a tum a ni.

Reliance Industries Chairman Mukesh Ambani chuan Digital India tan hian cheng vaibelchhe 2.5 an invest dawn tih a sawi a, state hrang hrangah wireless broadband network pekchhuah an tum tih a sawi bawk.