CBI Additional Director-ah YC Modi ruat

IPS officer, YC Modi chu Central Bureau of Investigation (CBI) Addi­tional Director atan ruat a ni.

Assam-Meghalaya cadre 1984 batch IPS officer, YC Modi-a CBI Additional Di­rec­tor thar atana rawtna hi Appointments of Com­mittee of Cabi­net (ACC) chuan a pawm­pui thu Depart­ment of Personnel and Training (DoPT) thuchhuah chuan a tar­lang.

YC Modi hi Meghalaya-a Additional Director General of Police nilai a ni a, kum 2010-a Supreme Court-in kum 2002-a Gujarat-a intualvuakna thleng chungchang chhuitu tur, Special Inves­tigation Team (SIT) a siamah khan telh niin, he team-ah hian kum 2012, July thla thleng khan a tel.

Modi hian Archana Ramasundaram a thlak dawn a, Rama­sundaram hi National Crime Records Bureau (NCRB) Director-ah dah a ni.

IPS officer dang, Rupak Kumar Dutta chu CBI Special Director atan ruat a ni bawk. Dutta hi 1981 batch Karnataka cadre IPS officer a ni a, CBI-ah Additional Director ni lai a ni.