Darjeeling-a leiminah mi 28 an thi

West Bengal Darjeeling district-a lei min nasa takah mi 28 an thi a, mi dang tam tak chin hriat lohin an awm.

Ruahsur nasa avangin Darjeeling-a Mirik leh Kalimpong bialah lei hi a min. Leimina thi zinga mi 20 te ruang chu lakchhuah an ni tawh a, official-te chuan chin hriat loha mi eng emaw an la awm avangin thi zat pawh hi a la punchhoh an rin thu an sawi.

National Disaster Response Force (NDRF) leh Sashastra Seema Bal (SSB) team-te chu chhanchhuah hna thawk turin tirh nghal an ni.

West Bengal sorkar chuan leimin vanga thi chhungte chu cheng nuai li ṭheuha a ral tur thu a sawi. Gorkhaland Territorial Administration (GTA) pawhin thi chhungte leh hliam tuarte hi ṭanpuina pek a tum bawk.

Prime Minister Narendra Modi chuan Dajeeling-a chhiatna thleng vanga thi chhungte chu a tuarpui thu sawiin, ralna cheng nuai hnih ṭheuh sorkar laipuiin a pek tur thu a sawi a, hei hi PMNRF (Prime Minister’s National Relief Fund) aṭanga pek an ni ang. PM chuan Minister of State for Home Kiren Rijiju chu leiminna hmun hi tlawh turin a tir nghal bawk.