Tângte tlanchhuah dan chhui turin Tihar DG hriattir

Ministry of Home Affairs (MHA) chuan Tihar Prison Director Ge­neral, Alok Verma hnenah kar kalta Inrinnia jail tang mi pahnihte tlanchhuah theih dan chu chhui chiang turin a hriattir.

Tihar Jail hi ram chhung jail zinga ven­himna ṭha bera ngaih a ni a, mahse kar kalta In­rinni khan tang zinga pahnihte chu an tanna bang aṭangin lei verh­in an tlanchhuak a ni. Tang­te tlanchhuah thu hi Pathianni zanah hriat chhuah chauh a ni. Thawhṭanni khan pa­khat hi man a ni, a tuk Thawh­lehniah pakhat zawk hi Uttar Pradesh-ah man a ni. An pahnih hian rukruk vanga man an ni.

MHA chuan Tihar Prison DG Verma chu tangte tlanchhuah theih dan chu uluk taka chhui chiang a, siamṭhat ngaite siamṭha thuai turin a hriattir.