Kum khat chhungin airport thar 10 peih fel tum : Gajapathi Raju
Civil Aviation Minister Ashok Gajapathi Raju chuan sorkar laipuiin kum thum chhungin airport thar 50 siam a tum a, heng zinga 10-te chu kum khat chhunga peih fel tum a ni, a ti.
Mumbai-a chanchin thar lakhawmtute a kawmnaah, "Kum khat chhungin mumal taka hman nghal theih turin airport thar 10 tal peihfel hman kan tum a ni" a ti. Civil aviation policy thar hmang chuan mipui nawlpuite chu zin vahna atana thlawhtheihna hman uar tir an tum tih a sawi a, Maharashtra state sorkar pawhin an ministry leh Airport Authority of India (AAI) chu state chhunga airport 10-te cheiṭhatna turin inremna a ziahpui tawh tih a sawi.