Bangladesh eptu hruaituin India nena contract tihtawp a phut

Bangladesh-a eptu pawl, Bangladesh Nationalist Party (BNP) chairperson Khaleda Zia chuan Bangladesh leh India-in Rampal Power Plant project contract an siam chu tihtawp a phut.

BNP hian hun eng emaw chen chu Rampal Power Plant Project hi Sundarban leh a chhehvel leilung tan a him dawn lo nia sawiin an lo dodal tawh a ni.

Khaleda Zia chuan fuel chi dang a awm lai leh, power plant dinna tur hmun dang tam tak a awm laiin Sundarban thlan a ni chu an duh lo tih a sawi. Ram tam takin coal-based plant an duh tawh loh laia Bangladesh-in din thar a tum chu thil awm lo tak nia a ngaih thu a sawi. Zia chuan, "Rampal project siamna tur senso zawng zawng aṭang hian Bangladesh chuan 15% tumin, India-in 15% a tum dawn a, a bak chu bank loan hmanga pek a ni ang" a ti a, Indian company-te chuan loan an puk turte hi an rul ṭha lo a nih chuan Bangladesh chuan a mawh a phurh vek a ngai dawn a ni, a ti. India-in he project tana 15% chauh invest a tum chu Bangladesh tan a ṭha tawk lo a, leilung chhe tur 100% chu Bangladesh in a tawrh vek tur a ni, a ti.