MP hlawh 100% a tihsan rawt

Parliamentary committee chuan parliament member-te hlawh chu 100% a tihsan leh, pension hlawh Rs 20,000 aṭanga Rs 35,000 a tihsan a rawt.

BJP MP Yogi Adityanath kaihhruai, parliamentary committee hian pay commission rawtna zulzui MP-te hlawhbi hi siam a rawt a ni. Pay commission hi sorkar hnathawkte hlawhbi siamna atan chauha hman rih a ni.

Adityanath kaihhruai committee hian rawtna hrang hrang 60 a siam a, heng zingh hian MP-te'n Parliament session laia daily allowance an lak ṭhin, Rs 2,000-a tihsan rawtna pawh a tel.

MP te hian thla khatah Rs 50,000 an hlawh mek a, hei hi Rs nuai khatah tihpun rawt a ni. Hlawh hi 100% a tihpun rawt a ni a, pension tihpun an rawtna pawh 75% a ni.

Kum khatah MP-te tan a thlawna thlawhtheihnaa vawi 20-25 zin theihna siam sak te, an personal secretary te tana AC first class ticket a thlawna pek ni se tihte a rawt bawk. Dan hman mekah chuan MP leh an kawppuite chauh chu first class AC pek theih an ni.

MP te'n damdawi lama inenkawlna a thlawna an dawnte pawh an fate leh tute huam tel tir an rawt bawk.

Kum 2010 kha Parliament member-te hlawhbi siamṭhat hnuhnung ber a ni.