SC-in Panchkula Flat hlan turin DLF hriattir

Supreme Court chuan real estate company, DLF chu Chandigarh bula Panchkula-a apartment 50 chuang chu kumin November thla chhung ngeiin a leitute hnena hlan fel turin a hriattir.

Panchkula housing project hnuaia flat leitute hi flat leina sum an pek hnuah an kutah hlan mai a ni lo a, hei vang hian court chuan DLF hnenah hian flat leitute hnenah an tikhawtlai sak manah kum 2014 aṭanga chhutin a pung 9% pe turin a hriattir bawk.

Heng apartment-te hi a leitute hnenah hian kum 2013 khan hlan tura tih a ni a, mahse tihkhawtlai a nih zel avangin National Consumer Disputes Redressal Commission hnenah an zualko a, commission hian DLF chu 12% interest pe turoin a hriattir a ni.

DLF hian cosumer panel thupek hi Surpeme Court-ah a khing let a, court hian a ngaihtuah hnuah a pung a pek tur hi 9% ah a tihniam sak. He thutlukna hi DLF leh flat leitute pawhin an pawm tlang thei a ni.

Supreme Court chuan real estate company dang, Parsvnath Developers chu Ghaziabad-a residential project a siam zawh theih tak loha flat lei tir, mi 70-te chu an sum pe kir leh vek turin a hriattir bawk.

Tun thla tir lam khan SC hian real estate firm Unitech chu Gurgaon-a an project siama flat leina man a lak, cheng vaibelchhe 15 chu a leitute hnenah pe kir turin a hriattir tawh bawk a ni. He project hi kum thum chhung tihkhawtlai a ni tawh.