Bolochistan Assembly-in PM Modi demna resolution siam

Pakistan-a Balochistan assembly chuan kumin Independence Day-a Prime Minister Narendra Modi-a'n Pakistan province chung≠chang a sawi dan chu an demna resolution an siam chu lungrual takin an pass.

Resolution hi Pakistan Muslim League-Nawaz (PML-N) member Muhammad Khan Lehri-a'n a pharh a, hei hi political party zawng zawngin an thlawp a ni. Member-te'n lungrual taka an pass hnuah Balochistan Chief Minister Nawab Sanaullah Zehri chuan Modi-a demna resolution-ah hian a hming a ziahhnan a ni.

"Modi-a'n Balochistan chungchang a sawi danah hian he province-a firfiaka chetna thleng ṭhin chu India-in a tihtir tih a chiang hle a ni" tiin resolution-ah hian an tarlang. Modi chuan Kashmir buaina chungchangah khawvel mit fukna lakpen tumin hetiang thu hi a sawi niin Balochistan Home Minister Sarfaraz Bugti chuan a sawi. National Party leader Sardar Aslam Bizenjo pawhin Pakistan hmelmate do let turin political party zawng zawngte chu an inlungrual tlat tih a sawi bawk.