EAM leh UNGA president inkawm

External Affairs Minister (EAM) S Jaishankar leh India rama rawn zin, United Nation General Assembly (UNGA) 79th session,president Philemon Yang te chu Nilaini khan Delhi-ah an inkawm. Thawh hona ṭha neih chungchang bakah hmalak ngaihna hrang hrangte an sawidun.

Hruaitu pahnihte hian an inkawmnaah UN agend-a harsatna awm theite bakah ram hrang hrang thawh hona ṭha siamṭhat, ramri hmasawnna leh khawvel huap harsatna hmachhawn dante chu an thlurbing bik a ni.

Jaishankar-a'n zin tur a sawm angin, Yang hi Thawhlehni khan ni li cham turin India a rawn thleng a ni. A cham chhung hian India leh United Nations inkar tih ngheh theihna dan turte a buaipui ang. Yang hian president Droupadi Murmu pawh hmuin ram hrang hrang thawh hona leh ramria harsatna awmte sawipui a tum bawk.

He intlawh tawnna hi UN leh India inkar tih hmasawnna leh tih chakna tura ruahman niin India chuan khawvel huap harsatnate hmachhawn turin UN chu thurualpui zel a tum bawk. Yang hian Bengaluru-ah kalin Infosys leh Indian Institute of Science(IISc) a tlawh bawk ang.