Bihar-ah rel tlan laiin mi su hlum

Bihar-a Munger district-ah nimin, Ningani zing lam khan rel chak taka tlanin mi pathum a su hlum a, an zinga pahnih hi hmeichhia an ni. Heng mi pathumte hi Maha Kumbh hmanga kal, an haw lam a ni.

Mi pathumte hian Maha Kumbh hmannaa inthen thianghlimna an nei zo, an in lam pana an haw laiin vanduaina hi an tawk a ni. Rel kawng an kan laiin Gaya-Hawrah Express in a su ta niin tualchhung mite chuan an sawi.

Chhiatna thlen lai hian chhum chhah tak zing avangin hla taka thil awmte hmuh a harsa a, hei vang hian chhiatna hi a thleng ta ni a ngaih a ni. Mita hmu tute chuan rel hi Bariarpur aṭanga Jamalpur pana kal a nih thu an tarlang.

Chhiatna thlenna hmunah hian railway police leh railway protection force-te thleng nghalin, mi pathum ruang hi postmortem turin damdawi-in lamah an thawn nghal a ni.