Ni 51 hnuah Kashmir-ah curfew hlip

Kashmir Valley tualchhung buaina thleng vanga ni 51 chhung zet curfew puan a nih hnuin, boruak≠in ziaawm lam a pan zel avanginn nimin khan Valley chhung≠ah Pulwana leh Sringar hmun ṭhenkhat tih lohah chuan curfew hlih a ni ta.

Curfew hi hlih ni mah se, buaina chhuak leh tur venthawn thilah Criminal Procedure Code section 144 chu hman chhunzawm a la ni a, he khapna hnuaiah hian phalna nei loin mi 10 aia tam punkhawm khap a ni.

Police thupuangtu chuan, "Boruak awmdan a ṭhat chhoh zel avangin Kashmir Valley-ah chuan curfew hi hlih a ni ta a ni" a ti. Mahse Pulwama khua leh Srinagar khaw chuanhnuai lama police station area panga-ah chuan puan chhunzawm a la ni.

Buaina chhuakin ziaawm lam pan mah se, inlakhran duhtu pawlten nawrh an la huaihawt chhunzawm avangin nunphung a la khaihlak zel a, dawr, private office leh petrol pump-te pawh khar vek an la ni. Hei bakah hian kawtthlerah public transport tlanchhuak an awm lo bawk. Kashmir Valley pum≠ah mobile internet service pawh tihtawp a la ni a, pre-paib mobile-ah outgoing facility pawh hman theih a la ni lo bawk. Inlakhran duhtu pawlte chuan September 1 thleng nawrh huaihawt an tum.

Hetihlai hian Pakistan Prime Minister Nawaz Sharif-a chuan Kashmir buaina chungchang sawi≠chhuak tur hian parliament member 22-te chu ram hrang hrangah tirh a tum. Sharif-a chuan, "Kashmir mipuiten India aṭanga inlakhran an duh chungchang pawh hi United Nations kan hriattir dawn a ni" a ti.

Thuchhuah siamin Sharif-a chuan, "Kashmir mite tana beihpui tur hian parliament member-te hi ram hrang hranga tirh chhuah ka tum a ni. Heng mite hi Pakistan mipuiten an thlawp tlat a, Kashmir mipuite pawhin an ṭawngṭai sak dawn a ni" tiin, Kashmir buaina chungchangah an inthiarfihlim ngawt theih loh thu a sawi bawk.