Minister-in ramdang khualzinte pawnfen feng lo turin ti

Union tourism and culture minister Mahesh Sharma chuan ramdang hmeichhia khualzinte chu Agra khawpuiah tlai lamah mahnia tei chhuak lo tur leh pawnfen feng lo turin a ti.

Pathianni-a chanchinbu mite a kawmnaah minister chuan he thu hi a sawichhuak a ni. "Ramdang khualzin, India ram tlawhtute hennah chuan welcome card pek an ni a, hetah hian India rama an awm chhung an tih tur leh tih tur loh tur hrilh an ni a, hmeichhiate chu zan lamah mahnia teichhuak lo tur leh, pawnfen feng lo turin tih an ni" tiin a sawi.

Ramdang khualzinte puihna turin helpline number 1363 pawh siam a nih thu minister chuan a sawi a, khualzinte hnenah hian welcome card hi airport an rawn thlenin pek ṭhin a ni, a ti.

Khualzinte chu an zinkualnaah an motor hman number thla la ṭhin tur leh, heng number-te hi an ṭhiante pawh thawnkual nghal tura ngen an nih thu minister chuan a sawi.