Maha Kumbh hmannaah kangmei chhuak

Uttar Pradesh-a Maha Kumbh hman mekah in pawng nekna thleng vanga mi eng emaw zatin nunna an chan hnuin, nimin Zirtawpni khan kut hmanna Prayagraj-a sector -18 bialah kangmei a chhuak leh. Kangmei chhuak hian kut hmanga kalte inkulhna puan in a kang chhe nual a, thi leh hliam erawh an awm lo nia tarlan a ni. "Kangmei chhuahna hmunah kangṭhelhtute rang taka thleng nghalin kang mei chhuakte hi thunun thuai a ni, kangmei hi Tulsi Churaha camp bula chhuak a ni," tiin Inspector Yogesh Chaturvedi, Khak Chowk police station chuan a tarlang.

Hindu kut thianghlim, Uttar Pradesh-a hman mekah hian chhiatna thleng nual tawh in, nimina kangmei chhuak kha ṭum hnih kangmei chhuahna a ni. Kar hmasa khan rawngbawlna gas puak vangin kangmei a lo chhuah tawh bakah, January 29, khan in pawngnekna thleng avangin mi 30 in nunna chanin mi dang 60 in hliam an tuar bawk. Heng thil thlengte vang hian Parliament Budget session neih mekah pawh in au buaina a thlen phah hial.

Maha kumbh hi January 13 khan hman ṭan niin February 26 thleng awh tur a ni. Kut laia thil thleng vang hian ram hruaitu pawimawhte zingah pawh politics-a inbeihna a thlen phah tawh a ni.