Aero India 2025-ah US fighter pholang dawn

Asia khawmualpuia airshow lian ber, Aero India 2025 Airshow chu February 10 - 14 chhung hian Bengaluru-ah neih a ni dawn. He hunah hian US chuan an thlawhtheihna neih eng emaw zat an rawn pholang leh dawn a, airshow-ah US hi ṭum 15 an telna tur a ni bawk.

Aero India 2025-ah hian American exihibitors 24 an tel dawn a, hei hian India leh US-te aviation leh defence huangah sumdawnna bung thar leh harsatna chinfelna kawngah a puih theih rin a ni. Company tel turte hian unmanned aerial system (UAS) fighter aircraft, advanced avionic leh defence electronics tih changtlunna tur te an pholang dawn a ni.

New Delhi-a US embassy-a Charged'Affaires Jorgan Andrew chuan US department of state, defence and commerce aiawhte hi a kaihruai ang. " United States chu Aero India-a tel turin kan phur hle a, hei hian India nena venhimna kawnga thawh dunna a ti chak zual ngei ang. Defence, sumdawnna, leh ziritrna in pektawnna chuan ram pahnih inkar a ti nghet zual a ni," tiin Adrew chuan a sawi.

Airshow neih hunah hian US thlawhtheihna hrang hrang pholan a ni dawn a, heng zingah hian fighter F-35, van boruaka thlawhtheihna tui thun thei KC-135 Stratotanker, supersonic heavybomber B-1 bomber leh F-16 fighter jet te chu pholan tur zinga tarlan langsar te an ni.