Sonmarg bazarah kangmei nasa tak chhuak

Jammu and Kashmir-a Gandebal district-a Sonmarg bazar-ah Inrinni liamta zan lamah khan kangmei a chhuak. Bazar chhunga dawr leh bungrua eng emaw zat a kang chhia a, thi leh hliam erawh an awm lo.

Kangmei chhuak hi thingpui dawr aṭanga inṭan niin, a bulhnaia dawr dangah kangkaiin Sonmarg bazar chhunga bungrua ṭhahem tak a kang. Chhiatna nasa zawk a chhuah hmain kangmei chhuak te hi ṭhelh mih a ni.

Chief minister Omar Abdullah chuan kangmei tuartute a tuar pui thu hi X-ah a tarlang nghal a,," Sonmarg bazar-a kangmei chhuak vanga chhiatna rapthlak tak thleng chuan min ṭhawng hle a, kangmei chhuakin a tih chhiat sakte tan chhawmdawlna leh puihna a theih ang angah pek an ni ang" tiin, CMO chu an tan a in hawng reng dawn tih a sawi bawk.