Chhattisgarh-ah Maoist mi leh sa 31 kap hlum

Chhattisgarh-a Bijapur district-ah nimin, Pathianni zing lamah khan helpawl Maoists leh security force te in kahna thlengah Maoists mi 31 kah hlum an ni. Security personel zingah hian pahnih in nunna chanin a dang pahnihin hliam an tuar bawk.

Inspector General of Police (Bastar Range) P. Sundarraj chuan police lamin Moaist hel pawl awm nia thu an dawn bawhzuiin Indravati National Park ramngaw-ah hel ho dapin an kal nghal a, in kahna hi a thlengzui nghal niin a sawi. Anti-Maoist operation beihpui thlak tawh zingah helpawl mi ṭum khata thah tam ber ṭum a ni. Pawikhawihna thlenna leh a chheh velah helpawl chambang awmte dapchhuah tumin security force-ten beihpui an thlak zui nghal.

Venhimna lam thawktu nunna chante hi Special Task Force leh district Reserve Guard mi leh sa pakhat ve ve an ni. Inkahna thlenna hmunah hian ralthuam leh silaimu eng emaw zat man a ni a, heng zingah hian AK 47, INSAS leh .303 rifles, grenade launchers leh puak thei thil dang a tel.