Kuminah Maoists hel mi 81 chuang thah an ni tawh

Politic lam aṭanga hma lakna leh security personel thawh hona kal zelah kumin chhungin Moaists hel 81 thah an ni tawh. Chhattisgarh-a Bastar huam chhung, helpawl in an awp chinah te anti- Maoists operation chu nasa lehzuala kalpui mek a ni bawk.

Helpawl nuaibo an nih theihna tur hian sorkar leh venhim hna thawktute hnathawh pawh a lang chho zel. Beihpui thlakna thleng hrang hrang nei chhunzawm rengin, Pathianni liamtaa Maoists hel 31 an kah hlum kha kumin chhunga ni khat thil thua hel an kahhlum tam ber ṭum a ni.

Union home minister Amit Shah chuan March 2026 hma ngeia ram chhung aṭanga Left-Wing extremism(LWE) nuaibo tum a nih thu a lo sawi tawh a, hemi tih hlawhtlin tum hian nasa zawka hma lain hmasawnna pawh a awm zel a ni. Nikum chhung khan beihpui thlakna hrang hrangah Maoists mi leh sa 219 thah niin hei hi kumkhat chhunga helpawl mi thah tam ber ṭum a ni bawk.