Defence Minister-in Aero India 2025 a hawng

Defence minister Rajnath Singh chuan nimin, Thawhṭanni khan Aero India 2025 lawmna, Bengaluru-a Yelahanka, Air Force Station-a lawmna chu a hawng. Hawnna inkhawmah hian ralmuanna chu venhimna chak lo tak hnuaiah neih theih a nih loh thu leh venhimna ṭha neih chuan ram chak tak nihna a lan tir thu a sawi.

Asia khawmualpuia aerospace leh defence exhibition lian ber, Aero India ṭum 15-naah hian theme atan," The Runawy To A Billion Oppotunities" tih hman a ni. Minister Singh chuan," Hei aia theme in hmeh leh in rem hi a awm chuang lo a, mipui tluklehdingawn tam tak awmte tana hamṭhatna chu he show hian a entir tlat a ni" tiin a sawi.

Rajnath Sing chuan Aero India chu Maha Kumbh nena khaikhinin mipui tam tak te chu Kumbh mela-ah hian pungkhawm mah se, Aero India hmannaah hian mipui tam tak an punkhawm ve theih thu a sawi. India chuan he Aero India hmang hian ralthuam leh venhimna kawnga nasa taka hmasawnna a neihte chu khawvel pum huapa ralmuanna thlen theitu a nih tih a lantir a ni, a ti.

Aero India 2025 hawnna inkhawmah hian Defence Minister bakah Karnataka deputy chief minister DK Shivakumar, minister of state for defence Sanjay Seth leh official eng emaw zat an tel a, Airforce Stattion Yelahanka-ah hian Airshow neih a ni bawk.