Punjab-a bawlhhlawh paihnaah Rocket mu chhar

Punjab-a Patiala-ah nimin, Thawhṭanni khan bawlhlawh paihna hmunah rocket mu pasarih chhar a ni. He thil chharna chheh vela chengte an chiai hman hle.

Rocket mu hi Patiala-a Rajpur panna kawnga bawlhhlawh paihna hmunah hmuh a ni. Police-te hriattir vat niin, anni hian hma an la zui nghal a ni. Mahse hemi kaihhnawihah hian man an la neilo niin a tarlang.

Kum 2022 December thla khan rocket-propelled grenade(RPG) hmangin Tarn Taran district police station chu beih a lo ni tawh a, he beihna thlenna hi Patiala aṭanga km 200-a hlaa awm a ni. Beihna thlen aṭanga thla hnih hnuah RPG hmang bawk hian Punjab Police intelligence headquarters, Mohali-a awm chu beih a ni tawh bawk a ni.

Patiala senior Superintendent of Police (SSP) Nanak Sing chuan," Chhuichianna tenau neihna aṭanga a lan danin rocket mu hi a thil hlui zuar chhawngtu ten he lai hmunah hian an hnutchhiah nia rin a ni" tiin a sawi.