Bawng humhalhtuten minister hlui thahah an vau

Karnataka state-a bawng humhalhtu pawl chuan an state minister hlui, BT Lalitha Naik-i chu Hindu-te duhdan dodalah puhin, thahah an vau.

BT Lalitha Naik-i hi lehkha ziaktu lar tak a ni a, Janata Parivar hruiatu niin an state-a bawng humhalh≠tu pawl intite chet dan a sawisel fo a ni. Tun hnaiah Chikkamagaluru district-a bawng humhalhtu intiten bawngsa ei vanga Hindu activist-ten Dalit mite an sawisak chungchang a dem thu pawh a sawi a ni.

Bawng humhalhtu pawlte chetdan a sawisel hnu hian Naik-i hian Chikkamagaluru-a cheng, Sunil Sharma hnen
aṭangin vauna lehkha hi a dawng a, Hindu ṭan loah puhin thahah a vau a ni. Naik-i hian vauna lehkha a dawn vang hian police-ah complaint thehluh a tum tih a sawi a, a ngaihdan a puanchhuah chu a ṭhulh phah dawn chuang lo tih a sawi.