India-US military agreement ziak

India leh US chuan defence lama thawhdunna zau zawk neihna turin inremna, military agreement chu Thawhṭanni khan an ziak.

Ram pahnihte hian inremna, Logistics Exchange Memorandum of Agreement (LEMOA) an ziah hmang hian ram leilung, air leh naval base-te repair leh resupply-na atan an inhmantawn sak thei dawn a ni. Inremna an ziah hian food, water, transportation, petroleum, oils, lubricants, clothing, medical services, spare parts leh components, repair and maintenance services, training services , logistic items leh services thlengin a huam tel dawn a ni.

Inremna ziah a nih hnua thuchhuah inṭawm an siamah, "US chuan India nena defence trade leh technology-te inhmantawn theihna tura inremna siam a remti ta a ni" a ti.

Defence Minister Manohar Parrikar leh US Defence Secretary Ash Carter-te chuan press conference an neihnaah, inremna an siam hmang hian India leh US navy-te tan chuan joint operation leh execise an neihnaah midang ṭanpui hna thawhna kawngah thiltih a awlsam phah dawn niin an sawi.