India leh Myanmar-in lei dawh dun dawn

India rama cham mek, Myanmar President U Htin Kyaw leh Prime Minister Narendra Modi-te chu Thawhṭanni khan New Delhi-ah an inkawm a, ram pahnihte hian thawhdunna tur inremna thuthlung eng emaw zat an ziak nghal bawk.

Thawhdunna tur an ziah zingah hian lei 69 dawh tura thawhdunna tur te a tel a, heng zingah hian India leh Southeast Asia inkalpawhna tur pawimawh, Trila≠teral Highway-a Tamu-Kyigone-Kalewa section-a kawngpui siamna turte pawh a tel.

Hruaitu pahnihte hi Hyderabad House-ah an inkawm a, Myanmar rama kum 57 chhung sipaiin ro an relna paih≠thla a, democracy sorkar thar a din hnuah India leh Myanmar hian high-level inbiakna an neih hmasakna ber ṭum a ni.

Meeting zawh hnua joint press conference an neihah, Narendra Modi chuan Myanmar rama mipui thlan sorkar thar ding chu an ram tan bung thar pawimawh tak a ni tiin, India chuan a theih ang tawkin a thlawp zel dawn a ni, a ti.