Covid-19 chungchangah High-level Group of Ministers meeting vawi 22-na nei

Union health minister Dr. Harsh Vardhan kaihhruaina hnuaiah Inrinni khan hripui leng mek Covid-19 chungchanga high-level Group of Ministers (GoM) meeting vawi 22-na neih a ni a, video-conference hmangin meeting hi an nei.

Dr. Harsh Vardhan chuan meeting-ah hian India rama hripui kai punna chu 2%-ah a tlahniam tawh tih sawiin Fatality Rate phei chu khawvela a hniam ber zinga mi ni tawhin 1.45% a ni tawh tih a sawi. India ram recovery rate chu 95.46% lai a ni tawh, a ti.

Union Minister chuan October leh November chu festival thla ni mah se hri  kai thar nasa taka an pun phah chuan loh thu a sawi lang a, hei hi testing, tracking leh treatment policy kalpui vangah an ngai. Damdawi neih hun atana inbuatsaih a ṭul thu leh mi vaibelchhe 30 vel lai hnena damdawi pek tura estimate a awm avangin  vaccination drive chak taka kalpui a ṭul dawn thu a sawi bawk a ni.

Meeting-ah hian Health Secretary  Rajesh Bhushan chuan mipui nawlpuiin hriselna an ngaihpawimawh a ṭul thu a sawi ve bawk. He meeting-ah hian external affairs minister Dr S. Jaishankar, civil aviation minister,  Hardeep Singh  Puri, minister of state for health Ashwini Kumar Choubey leh minister of state for home affairs Nityanand Rai-te pawh an tel.