Congress-in state paliah hruaitu an thlak kual

Congress chuan Inrinnia party-a helte meeting an neihpui hnuah state pali- Telangana, Gujarat, Madhya Pradesh leh Maharashtra-ahte hruaitu an inthlak kual.

Telangana Congress president Uttam Kumar Reddy chuan Hyderabad inthlana an chet ṭhat loh chhanah mawhphurhna lain a ban thu a sawi a,  Gujarat Congress president Amit Chavda pawhin Gujarat by poll-a an chet ṭhat loh chhanah mawhphurhna lain party president nihna a bansan.

Madhya Pradesh chief minister hlui Kamal Nath, state party president ni bawk chu Congress Legislature Party (CLP)  leader atan ruat a ni. Kamala Nath hi Inrinnia party aṭanga hel G-23 tia sawite nena meeting an neihnaah hian a pawimawh hle nia tarlan a ni bawk.

Mumbai Regional Congress Committee-ah insiamremna neiin Maharashtra Congress president Balasaheb Thorat chu Maharashtra Congress Legislature Party leader atan ruat thar a ni bawk. Assam-ah hian Jitendra Singh chu ruat a ni a, Kerala-ah chuan Tariq Anwar ruat a ni thung. Anni pahnih hian an state a general secretary in-charge-te an pui ang.

Nakkuma inthlanna neihna tur Assam leh Kerala tana All-India Congress Committee (AICC) secretary tur interim Congress president Sonia Gandhi chuan a ruat bawk a ni. Inrinnia party-a helte meeting neihpuinaah hian Sonia Gandhi bakah hian a fate pahnih,  senior Congress leader Rahul Gandhi leh Priyanka Gandhi Vadra-te pawh an tel.