Ram Mohan Naidu in Parliamnet-ah aviaton bill thar pharh

Minister for civil aviation Ram Mohan Naidu chuan Thawhṭanni khan Rajya Sabha-ah aviation bill, Protection and Enforcement of Interests in Aircraft Object Bill, 2025 a pharh.

Mohan hian Protection and Enforcement of Interests in Aircraft Object Bill, 2025 ah hian Convention on International Interests in Mobile Equipment, 2001 emaw Cape Town Convention(CTC) and Protocol a taka hman tum a ni. India chuan kum 2008 khan CTC hi pawm ve mah se, dan anga ramchhunga hmalakna te a huam loh avangin bill thar pharh hian CTC huam loh te hi a siamrem thei dawn niin an tarlang.

CTC hi khawvel huapa inremna siam niin, hemi kaltlang hian bungrua hrang hrang - aircraft, engine leh helicopter te pawh huamin inthawn dan kawngah inkahhruaina siam a ni. Bill pharh-a section 3-na chuan Convention and Protocol chu India kaihhruaina siam zul zuia hman theih tura siamṭhat leh India in thlawhtheihna hmanruate khawih danglam theihna turin thuneihna a pe tel bawk.

Leiba pek theihloh palh a nih hunah Bill hian harsatna awmte chinfel a nih thuai theihna turin thlawhtheihna emaw abungrua dangte chu industry-te hnenah ni 60 chhunga sum puk rulhna a awm loh chuan industry hian an laksak thei ang tih a ni a. Ministry of Corporate Affairs hriattirna April 2024 a tih chhuah ah erawh bungrua te hi Insolvency and Bankruptcy Code, 2016 in a huam lo thung niin tarlan a ni.