Thosi tihrem nan Rs vbch 150 seng tawh

Delhi khawpuia thosi tihrem tuma hmalaknaah civic body-te chuan cheng vaibelchhe 150 chuang an seng tawh. Hetihlai hian Delhi khawpuiah hian thosi aṭanga natna kai theih, chinkungunya leh dengue hri a leng mek a ni.

Comptroller and Auditor General (CAG) in report a tihchhuahah, thosi tihremna tura hmalaknaah civic body-te hian sum lamah harsatna an nei lo a ni, a ti. Kum 2013-2015 chhung khan thosi inthlahpung zel tur venna atan damdawi lei nan cheng vaibelchhe 150 chuang a seng a, hnathawktu tur pawh a ruai a ni, a ti. Mahse civic body-te hian a hmalakna hi a hlawhtling em tih mumal takin an ngaihtuah zui lo niin CAG chuan a sawi.

CAG report chuan thosi aṭanga natna kai theih leng ṭhin venna atan hian bawlhhlawh paih dan mumal tak siam te, thianghlimna te a pawimawh hle tih a sawi a, mahse hei hi civic agency lam chuan ngai pawimawh loin, damdawi hmanga thosi pung zel tur venna lamah an innghat lian lutuk a ni, a ti.