Ramchhung lawrkhawm

Defence ministry in ralthuam leina tur a pawm

Defene ministry chuan cheng vaibelchhe 1,900 senga low intensity warfare lei rawtna chu a pawm.

Sipaite hmanrua lei tur zingah hian surveillance device leh jammer pawh a tel. Practice na atana anti-tank munition lei belh rawtna pawh pawm a ni bawk a, hemi atan hian cheng vaibelchhe 405 dah a ni. Jammu and Kahmir-a cheng vaibelchhe 330 senga electronic warfare system dah rawtna pawh a tel a ni.

Thamna sum la tu senior judge man

Cenral Bureau of Investigation (CBI) chuan Tiz Hazari court-a senior judge chu lawyer pakhat hnen aṭanga thamna, cheng nuai li laa puh a nih avangin an man.

CBI chuan Tiz Hazari court-a Civil Judge, Rachna Tiwari Lakhanpal-i chuan a thubuai ngaihtuahnaa local commissioner atana ruat, advocate hnen aṭangin thamna hi a dawng niin a sawi. Lakhanpal-i hian cheng nuai 20 pe turin a phut a, a hmasa atan cheng nuai li hi a pe hmasa a ni.

AP-in drone hmang uar dawn

Andhra Pradesh Chief Minister N Chandrababu Naidu chuan state chhunga hna thawhna pawimawh hrang hrang atan mihring khalh loh thlawhtheihna, drone an hmang uar dawn a, mahse mimal emaw private firm emaw chu hman phalna pek an ni dawn lo tih a sawi.

CM chuan drone chu a ṭul dan azirin ram dang aṭangin an chah luh tur thu pawh a sawi.

AP hian August thlaa Krishna Puhskaram festival lawmnaah khan mipui chevel enfiahna atan drone 18 a dah a, hei bakah hian sorkar project thawh hrang hrang enfiahna atan a hmang ṭhin bawk. State sorkar traffic enkawlna atan CCTV camera pawh eng emaw zat dah tawh a, hei hi security lam atan pawh a pawimawh hle niin CM chuan a sawi.