Tualthat leh pawngsualtute chhuah lailawk phal lo

Maharashtra sorkar chuan pawngsual leh tualthah thubuaia thiam loh changte chu an tan hun an tlak hma chuan parole-a an chhuah a phal dawn lo. Hei bakah hian child trafficking lama inhnamhnawiha thiam loh chantirte pawh intiamna nei chunga chhuah lailawk phal an ni tawh dawn lo bawk.

Maharastra sorkar chuan he dan hi ennawn a nih leh hma chuan hman tur a ni tih a sawi a, kar hmasa khan Home Department pawhin parole dilna zawng zawng chu ngaihtuah tawh lo turin a lo ti tawh a ni.

State sorkar chuan an state-a jail tang, intiamna nei chunga chhuah lailawkte chu dan an bawhchhiat nasat avangin parole rules hi a ennawn phah a ni.