Ruash sur nasa vangin Hyderabad-ah mi pasarih thi

Hyderabad-ah nimin zing aṭang khan ruah nasa taki a sur a, ruahsur nasa vanga in chimah mi pasarih an thi a, an zingah hian naupang pali an tel.

Musheerabda-a Bho≠lakpur bialah in sak lai a chim a, mi pathum an thi. Uppal-a Ramanthapur-ah in bang chim vangin chhungkaw member pali an thi bawk.

Zing aṭanga Hyderabad, Secunderabad leh an chhehvela ruahsur nasa vang hian kawtthlerah tui a tling nasa a, traffic pawh a tibuai hle.

Hyderabad-a kawngpui pawimawh, Banjara Hills, Jubilee Hills, Madhapur, Gachibowli, IT Corridor, Somajuguda, Begumpet te chu tui a tlin nasat avangin taffic a jam nasa hle. Greater Hyderabad Municipal Corporation (GHMC) chuan kawtthlera tui tlingte a kiam hma chuan mipuite chu chhuak lo rih turin a ngen.

Delhi khawpui leh a chhehvelah pawh ruahsur nasain traffic a tibuai hle a, mahse thlawhtheihna leh rel service lam erawh a khaihlak phah lo nia sawi a ni. Zing aṭanga ruahsur hian traffic a tihbuai avangin school naupang thlengin a nghawng a, Joint Commssioner of Police Y Pooran Kumar chuan traffic enkawl tur hian zing aṭangin police sang chuang dah an ni tih a sawi.

India rama cham mek, US Secretary of State John Kerry-a'n Delhi khawpui chhunga sakhaw hmun pawimawh pathum tlawh a tum pawh ruahsur nasa avangin ṭhulh a ni. Kerry hian old Delh-a Gauri Shankar temple, Jama Masjid leh Gurdwara Sisganj Sahib-te chu nimin dar 11 vel khan tlawh a tum a, mahse ruah a sur chhunzawm reng vangin ṭhulh a nih thu US embassy chuan a tarlang.