Subhas Chandra Bose piancham vawi 123-naah PM leh President-in zahna an lantir

Nimin kha India zalen­na sualna kawnga mi pawimawh berte zinga mi Netaji Subhas Chandra Bose piancham vawi 123-na a ni a, president Ram Nath Kovind, vice president M Venkaiah Naidu leh prime minister Narendra Modi-te chuan zahna chibai an buk. 

Ram Nath Kovind chuan a twitter-ah Subhas Chandra Bose chu tun thlengin hnam pasalṭha, mitinin an ngaihsan rawn leh India zalenna sualnaa mi entawntlak tak a nih thu a ziak. M Venkaiah Naidu chuan Subhas Chandra Bose-a ram hmangaihna chuan mipuite rilru a hneh hle tih sawiin, India au hla "Jai Hind'' tih a lo pian phah tih a sawi ve bawk.

Narendra Modi pawhin Netaji Subhas Chandra Bose huaisenna leh India tana a hnathawhte chu nuai reh theih a ni tawh lo. India mipuite tan hna tam tak min thawhsak a ni, tiin a sawi a ni.