Doctor nuai nga mamawh belh

India ram puma doctor indaih lohna chu nuai nga a tling.

IndiaSpend-in sorkar data a zirchianna aṭangin, World Health Organization (WHO) norm-in mi 1,000 tan doctor pakhat zel awm tura anga a tihna chu India ram chuan a pha lo hle tih sawiin, doctor indaih lohna hi nuai nga a tling tih a tarlang.

Kum 2014 kum tawp≠ah khan India ramah doc≠tor hna thawk mi 740,000 an awm a, mi 1,674 in doctor pakhat inṭawm ang an ni.

Kumtina doctor graduate thar 55,000 zinga 55% hi private college aṭanga chhuak an ni a, private college-te hian phalna nei loin donation an la nasa hle nia sawi a ni bawk. Time of India report chuan private college ṭhenkhatah chuan MBBS zichhuak tur hian cheng vaibelchhe hnih te sen a ngai tawh niin a tarlang.

Ram pumah kumtin MBBS zir chhuak 55,000 leh post graduate zo 25,000 an awm avangin, kum 2020-ah chuan India ram mipui tluklehdingawn 1.3 zingah mi 1,250 in doctor pakhat inṭawm ang zel a ni ang a, kum 2022-ah chuan mi 1,075 in doctor pakhat inṭawm ang a ni pha ang.