Kum 2015 chhungin Ramdang mi 2,057 man

National Crime Record Bureau (NCRB)-in 'Crime in India' report 2015 a tihchhuahah, kum 2015 chhung khan ram chhung hmun hrang hrangah pawikhawihnaa inhnamhnawih ramdang mi 2,057 man an ni.

Ramdang mi mante hi kum 2014-ah mi 1,843 an ni. Kum 2015 chhungin Maharastra state-ah man an tam ber a, Delhi-in a dawt. Delhi-a ramdang mi 168 man zingah hian mi pathum chu tualthah thubuaia man an ni a, pawngsual thubuaiah mi paruk, mi buma puh mi pasarih, dawta thiltia puh mi 54, Narcotic Drugs and Psychotropic Substances Act hnuaiah mi 11, Foreigner Act hnuaiah mi 32, Arms Act hnuaiah mi 10 bakah, pawikhawihna dang vangin mi 45 man an ni. Kum hmasa lam khan Delhi-ah hian ramdang mi 195 man an ni bawk.

Maharashtra-ah ramdang pawikhawihtu mi 175 man an ni a, Karnataka-ah mi 102 leh Goa-ah mi 69 man an ni.

Ramdang mi man zinga a tam ber hi Foreigner Act hnuaiah man niin, mi 1,367 an awm a, Passport Act hnuaiah mi 143, Narcotic Drugs and Psychotropic Substances Act hnuaiah 128 man an ni bawk.