Goa-a RSS member 400 chuang bang

Goa Rashtriya Swayamsevak Sangh (RSS) hotu Subhash Velingkar chu BJP a sawisel vangin ban a ni a, hemi hnu hian RSS volunteer 400 chuang chu an hotu ban a nih vanga lungawi loin an bang ve leh.

Goa state-a RSS hotu zinga huhang ngah ber zinga mi, Velingkar ban a nih chhanah hian member-te chuan BJP hruaitu lu leh defence minister Manohar Parrikar pawh a inrawlh niin an puh. Nilaini khan RSS volunteer-te hian darkar ruk chhung zet meeting an neih hnuah banna hi an thehlut a ni.

RSS hotu ban tak Velingkar hi regional language front, Bharatiya Bhasha Suraksha Manch (BBSM) hotu a ni a, state sorkar chu primary school-ah tualchhung ṭawng, Konkani leh Marathi aia English tihlar tumah puhin a lo sawisel tawh a ni. Velingkar hian defence minister, Manohar Parrikar-a hnuaia Goa-a BJP kaihhruai ṭangrual sorkar chuan medium of instruction chungchangah state mipuite a bum a ni, a ti.