MHA-in President hnenah Delhi Minister hlui khin phalsak dil

Ministry of home affairs (MHA) chuan nimin khan President hnenah Delhi minister hlui leh Aam Aadmi Party (AAP) hruaitu, Satyander Jain chu Bharatiya Nyaya Suraksha Sanhita (BNS), 2023 Section 218 hnuaia khin phalsak turin a dil.

MHA chuan Enforcement Directorate (ED) hnen aṭanga Jain hi eiruk thubuai siamsak theihna tur finfiahna an dawng niin an sawi.

ED chuan kum 60 mi, Jain hian a chhungte leh thawhpuina nena inthurualin, kum 2015 February aṭanga 2017, May inkara Delhi minister a nih lai hian dan loin sum tam tak a la lut niin a sawi. Jain-a company tam tak chuan shell company-te aṭangin Rs vbc 4.8 an dawng a ni, a ti.

Kum 2022 May thla khan ED hian dik lo taka sum la luta puhna kaihhnawihah Jain hi an lo man tawh a, tunah hian bail-in a chhuak meka ni. Central Bureau of Investigation (CBI) pawhin Jain leh a thurualpui nia sawite lakah thubuai a ziak lut tawh bawk. CBI hian December, 2018 khan Jain a sum lak luhna hriat loha a thil neih chu Rs vbc 1.47 a tling nia sawiin, kum 2015-2017 inkara a sum lak luh zat aiin 217% velin a sang niin a sawi.