Central team leh loneitu aiawhten meeting nei

Union minister of consumer affairs, food and public distribution Pralhad Joshi kaihhruai central team chuan nimin khan Chandigarh, Punjab-ah loneitu aiawhten meeting an nei a, loneitute thil phut hrang hrang an sawi ho. An thil sawi ho zingah hian loneituten rei tak an lo phut tawh, thlai leina atana Minimum Support Price (MSP) siam chungchang pawh a tel.

Meeting-a hian loneitu pawl, Samyukta Kisan Morcha (Non-Political) leh Kisan Mazdoor Morcha aiawh mi 28 an tel. Assam agriculture minister Gurmeet Singh Khuddian pawh a tel ve bawk. Chandigarh-a Mahatma Gandhi State Institute of Public Administration-ah meeting hi an nei a ni.

Loneitute hian kum khat chaung zet chu MSP siam leh, an thil phut hrang hrang nawr hian nawrh an lo huaihawt tawh a ni. SKM (non-political) convenor, Dallewal chuan nikum November 26 aṭang khan an thil phut ti hlawhtling tura sorkar nawrin Khanauri border point-ah tiam chin awm loin chaw ngheia nawrh a huaihawt.

Kumin January 18 khan joint secretary Priya Ranjan kaihhruaiin union agriculture ministry-a senior official-te chuan loneitu pawl pahnihte hi an thil phut chungchang sawipuiin meeting an lo neihpui tawh bawk.