EAM leh Bangladesh Foreign Affairs Adviser in be dawn

External affairs minister S.Jaishankar leh Bangladesh foreign affairs adviser Touhid Hossain te chu nimin, Fenruary 16 Pathianni khan 8th Indian Ocean Conference, Oman-a Muscat-a a neih kar lakah an inbia. Ram pahnih inkara harsatna hrang hrang awmte an sawidun.

EAM hian France leh US-ah prime minister Narendra Modi a zui hnuah Munich Security Conference hmang tur hian Muscat hi Inrinni khan a thleng a ni.

Indian Ocean Conference neih mek hi India Foundation huaihawt niin, Ministry of External Affairs leh Omani sorkar ṭangkawpten an kaihhruai a ni. Ram hrang hrang 27 aṭangin foreign minister-te an tel bakah Bhutan, Sri Lanka, Maldives, Nepal leh Bangladesh Foreign Minister-te hian annual conference hi an hmanpui ve bawk. India leh China-in 2019-a ramri buaina an neih hnuah a ṭumkhatna atan China Special Envoy for Middle East Affairs, Zhai Jun chu Conference-ah hian a tel ve bawk.

Jaishankar leh Hossain-te inkawmnaah hian Banglandesh-a tualchhung buaina hrang hrang chhuak vanga mi hnuaihnung zawk te laka hleilenna chhuak leh, India-in Bangladesh PM hlui Sheikh Hasinaa a lo hum vanga ram pahnih inkar buaina pun lun ta chungchangte pawh an sawi. PM Modi leh US President Trump te pawh khan an inkawmnaah India leh Bangladesh inkar hi an sawi dun bawk a ni.